Ich bin zu dere party gange ihni dis ok mami Das tuet mer leid ich wĂŒnscht du hettsch mich chönne gse mami Ich han din rat befolgt, kĂ€n tropfe alkohol WĂ€nn andri wodka trunke hĂ€nd hĂ€tt dini tochter cola gholt Du hĂ€sch mer immer gseit da usse luuret gfahre und Ich söll nöd trinke wĂ€nni nachher no mues fahre und Du wĂ€rsch so stolz uf mich bin suuber gsi vo chopf bis fuess Obwohl all andre gseit hĂ€nd annie nimm doch eis es chunnt scho guet
Ref.(2x):
Annie may So jung und unschuldig Annie may Werum a dem dunnstig Annie may Was immer de grund isch Wo isch de gott gsi das isch nöd okey!
Ich han alles richtig gmacht, dĂ€nk etz nĂŒt schlĂ€chts nĂ€-Ă€ Glaub mer ich los uf diich denn du hĂ€sch immer rĂ€cht Ă€hĂ€ Wo d'party fertig gsi isch sind di andere blibbe Ichhan nur no tschĂŒss gseit und bin sofort is auto gstigge Du hĂ€sch mich guet erzoge - ufrĂ€cht, lieb und warm Han nur no welle hei uf direktem wĂ€g i diini arm Ich bin loosgfahre, gfahre uf nassem teer Doch de wage uf de gegefahrbahn hett mich nöd gse
Ref.(2x)
Er hĂ€tt mich eifach ĂŒberfahre und etz ligi ufem asphalt ĂŒberall um mich isch bluet, mir isch so krass chalt Ich ghör wied polizei seit de ander segg betrunke Alles tuet so weh, alles wird so dunkel
Richt em papi us ich lieb en gib mim brĂŒeder en kuss vo mir De chrankewage chunnt vill zspaat ich gsee scho s'wiise liecht E letschti frag bevor ich abschied nimm vo diir mami Ich han ken tropfe trunke wieso bin ich etz die wo stirbt mami?