Neulich am see, nonig lang her, bi herrliche 31 grad DĂ€ himmel isch blau, 3 frĂŒnde sind's au und sitzed anere bar A seid zu b, ich han e idee? schlicht und brillant B seid zu c, die wĂŒri gern gseh? da bin ich dĂ€nn aber mal gspannt Die verrat ich eu nöd, ich bin ja nöd blöd und weiss doch wie das lauft Ich verzell eu die idee, ihr gönd hei und mached's au B lacht luut use und seit, a du dubel a öppis hĂ€sch aber nöd denkt E idee isch ja gut - e idee isch ja recht doch nĂŒĂŒt wert ohni s'nötige geld
Ich bin dĂ€ mit monete vo eus beide du bruchsch mich an bord Bevor a sich chan wehre, zum's gnauer erchlĂ€re fallt ihne s' c is wort Ohni pr-berater, wo eu vermakted werded ihr sicher nöd rich IdeeĂ€ mummer verchaufe, chönder mir glaube und da chumm ich is spiel! IdeeĂ€ mummer ha? und sind sie Ă€ndli da DĂ€nn halt sie fescht und heb zu inĂ€ sorg DĂ€nn ideeĂ€ hĂ€t nöd jede? aber jede cha drĂŒber rede Es heisst nöd umesuscht, schwige isch gold"
A seit zum rescht, jetzt mached eu flex langsam schiisst`s mich a Ihr gsehnd numme grad s'gschĂ€ft ihr duble hĂ€nd echt kei ahnig, um was es gaht Es schreit b wuetentbrannt jetzt heb mal de rand, agfange hĂ€sch doch du Da luegt s' c entnervt zum b mit de wort Ach chumm, dĂ€ blufft doch nur! Hee... D'idee isch vo mir und wĂ€nn eine rich wird dĂ€nn bin`s ja wohl sicherlich ich Seit a liecht greizt, woruf b meint Hör doch uf, mir sind es team ZĂ€mme simmer stĂ€rcher und chönd eusi chrĂ€ft bĂŒndle Und sie chömmed is trĂ€ume wies dĂ€nn wĂ€r, wĂ€nns gmeinsam es gschĂ€ft grĂŒnded
Ich stahn uf, lauf zu ihne - offerier es bier Dankend fröged s mich, wieso ich das spendier? Ich seg: Isch gern gscheh, frĂŒnde, das hĂ€nnder eu verdient DĂ€nn ich han jetzt d'idee - d'idee vo dem lied - cheers!